Wednesday , March 3 2021
Ballina / LAJME / Pamje të rralla: Lamtumira e fundit për Bajram Currin (Video)

Pamje të rralla: Lamtumira e fundit për Bajram Currin (Video)

Pas fotove të publikuara pak viteve më parë, ku dukej trupi i pajetë i Bajram Currit, dy fotot e varrimit tregojnë radhë të njerëzve duke bërë nderimet e fundit…

Katër foto të rralla që dëshmojnë momente nga homazhet e varrimit të Bajram Curri,t mund të hedhin dritë mbi detaje të panjohura nga ngjarje e bujshme e prillit 1925, ku Bajram Curri u gjet i vrarë në një shpellë në malësitë e Gjakovës.
Fotot ruhen në një dosje në Arkivin Qendror të Shtetit, së bashku me dy foto të tjera që tregojnë trupin e pajetë.

Shënimet pas këtyre fotove nuk japin detaje mbi ngjarjen, as për momentin e fotografimit, por detajet në fotografi dëshmojnë për dy momente të ndryshme fotografimi: Momenti i parë pasi është vrarë, që tregon Bajram Currin me një kostum stofi të errët e të vjetër, me pjesën e sipërme të kokës krejtësisht të dëmtuar e të mbuluar me fasha të bardha.

Ndërsa, momenti i dytë i fotografimit rrëfen çastet e homazheve që janë mbajtur para trupit të tij.

Në njërën prej fotove duket imami që këndon lutjet e fundit në ceremoninë mortore dhe në rresht duken një varg i gjatë pjesëmarrësish në funeral, mes tyre, veç të afërmeve me veshje të zonës së malësisë së Gjakovës, duket edhe një ushtarak e zyrtarë të tjerë me kostume e kapela.

Mendohet se fotot janë realizuar nga Ahmet Zherka, një nga fotografët e parë të Kosovës që me aparatin e tij ka bërë të përjetshëm shumë personalitete, por edhe ngjarje të rëndësishme.

Video :

 

Shiko më shum

Vaksinat kundër virusit, ari i ri për organizatat kriminale

Vaksina kundër COVID-19 do të jetë ari i lëngshëm i vitit 2021. Kështu ka paralajmëruar …

Leave a Reply

Your email address will not be published. Required fields are marked *